Bu gün Azərbaycanın gökrəmli yazıçısı, böyük mütəfəkkiri və ictimai xadimi Mirzə Fətəli Axundovun (1812-1878) anadan olmasından 212 il ötür.
Aziz.ge gürcü şairlərin dramaturgiyamızın banisinə həsr etdiyi şeirlərdən daha birini təqdim edir. “M.F.Axundovun xatirəsinə” adlı poeziya nümunəsinin müəllifi Aleksandr Abaşelidir (1884-1954), dilimizə tərcümə edəni Əlixan Binnətdir.
Gürcüstanda qanad açdı
Onun böyük arzuları.
Dünyamıza işıq saçdı
Hikmət dolu yazıları.
***
Dolaşdıqca dost elləri
Obamızdan ilham aldı
Orbeliani* nəğmələri
Ürəyində yuva saldı.
***
Arzu, əməl dostlarına
O ən yaxın sirdaş oldu.
Nizamiylə Rustaveli
Nəsilləri qardaş oldu.
***
Yolu çətin yol olsa da
Hey çalışdı, hey vuruşdu,
Dostu sevən dost diyarda
Bu dostluğa nəğmə qoşdu.
***
Cəlladların fitvasilə
Puşkin qurban gedən zaman
Dərdli qəlbi gəldi dilə
Misraların arxasından.
***
Lermontovtək geyib qara
O hayqırdı var səsilə.
Yas saxladı nəğməkara
Öz şeiriylə, nəğməsilə.
***
O dostların kədərini
Öz dərdi tək duyasıydı.
O, dostluğun tərcümanı,
O, qardaşlıq dünyasıydı.
***
Qəlbimizdə yaşayacaq
Xatirəsi hər bir zaman,
Qoy var olsun Axundovu
Bu dünyaya bəxş eləyən
Odlar yurdu Azərbaycan!
______________
*M.F.Axundovun dostu gürcü şairi Qriqol Orbeliani (1800-1881) nəzərdə tutulur.
Həmçinin oxu:
Sənin xatirini gözəl Gürcüstan əziz saxlayacaq, Mirzə Fətəli! – Gürcü şairin şeiri
