AZİZ.GE 2024-cü ilin martından fəaliyyətə başlayıb. Saytın yaradılmasında əsas məqsəd Gürcüstanda Azərbaycanın zəngin mədəni irsinə aid qiymətli maddi və mənəvi nümunələr haqqında tarixi faktları, ətraflı məlumatları və araşdırmaları geniş oxucu auditoriyasına çatdırmaq, onların tanıdılması və təbliğidir.
Resursda Azərbaycan-Gürcüstan mədəni, ictimai-siyasi, ədəbi əlaqələrinin keçmişi və hazırkı inkişafı, qonşu ölkə ərazisində yerləşən tarixi-mədəni irs abidələrimiz, tarixi məkanlarımız mövzularında materiallar təqdim olunacaq. Onlayn platformada qeyd olunan mövzularda müsahibələr və araşdırmalar da yer alacaq, Gürcüstanın azərbaycanlı icmasının milli-mənəvi dəyərləri, adət-ənənələrinin tarixi və bu günündən də bəhs ediləcək.
Əziz oxucu, AZİZ.GE Gürcüstanda Azərbaycan izləri üzrə məlumatlarla zəngin onlayn bələdçiniz olmağa çalışacaq.
Saytın müəllifi 2009-cu ildən Tbilisidə fəaliyyət göstərən Gürcüstan üzrə araşdırmaçı-jurnalist Cəmilə Babayevadır.